Irisgarritasun fisiko handia - Donostia Turismo eskuragarria guztiontzat

Donostia, aniztasun funtzional fisikoa dutenentzako hiri erosoa

Aniztasun funtzional fisikoa baduzu, Donostiako xarmez gozatu ahalko duzu modu eroso eta errazean, hiriko irisgarritasun handiari esker.

playa ondarreta donosti — Donostiako portuan gurpil-aulkian dagoen pertsona baten argazkia.

donostiako ikuspegi panoramikoa — Donostiako eta Kontxako badiako ikuspegi panoramikoa, Igeldo Menditik.

artzain onaren katedrala donosti — Loiola kaleko, oinezkoentzako bizitasun handiko kale komertzialeko argazkia; atzealdean, Artzain Onaren katedrala.

Donostiako hiri-ingurunea laua da nagusiki, eta hauek guztiak ditu: espaloi zabalak eta beheratuak, irtengunerik gabeko zoladurak eta igogailuak kota-aldea dagoen zonetan, besteak beste. Horrez gain, mugikortasun urriko pertsonentzako aparkaleku eta komun publiko egokitu ugari daude.

Halaber, erraz mugi zaitezke garraio publikoz: bai Dbus hiriko autobus-sistemak, bai Lurraldebus hiriarteko autobus-zerbitzuek edo Euskotren tren-zerbitzuek mugikortasun urriko pertsonentzako sartzeko arrapalak eta eserleku erreserbatuak dauzkate, besteak beste.

Horrez gain, Autobus Turistikoak eta Tren Turistikoak gurpil-aulkia erabiltzen dutenentzako eserleku bana dute, eta taxi-enpresek ibilgailu egokituak dituzte.

ondarretako hondartza donosti — Ondarretako hondartzaren argazkia, harearen gainean pasealekuarekin, haur-kotxeak, gurpil-aulkiak, etab. pasa daitezen.

Hiri-sarean kokaturiko 3 hondartza zoragarriez gozatu ahalko duzu sartzeko arrapalei, harearen gaineko bideei eta Kontxako hondartzako (munduko bigarren hondartzarik onena Travel & Leisure aldizkariaren arabera, eta Europako hondartzarik onena TripAdvisorren arabera) asistentziadun bainuari esker.

urgull mendia ikuspegi panoramikoa donosti — Urgull mendia, Donostiako portuaren eta Alde Zaharraren artean.

urgull mendia donosti — Gurpil-aulki motordunean doan pertsona baten argazkia, Urgull mendiko bideetako batean, antzinako gotorleku militarra.

Parkeak eta naturguneak ere irisgarriak irudituko zaizkizu: Urgull mendia (udan, 39 Dbus-linea mendi-puntaraino igotzen da), Cristina Enea parkea edo Ulia mendia (Dbus TB6, aldez aurretik erreserba eginez).

Azpiegitura turistiko berri guztiek irisgarritasun fisiko handia dute, eta Eusko Jaurlaritzako araudi zorrotzari heltzen diete. (20/1997 Legea, Eusko Jaurlaritzaren Irisgarritasuna Sustatzekoa, Espainiako araudi zorrotzenetakoa.)

donosti turismo-bulegoa kanpoaldea — Turismo-bulegoko kanpoaldearen argazkia.

donosti turismo-bulegoa barrualdea — Turismo-bulegoko barrualdearen argazkia; turismo-bulegoa Boulevard 8 kalean dago, eta bi altuerako erakusmahaia du.

Donostiako turismo-bulegoak irisgarritasun-soluzioak ditu: gurpil-aulkia erabiltzen dutenentzako arreta-erakusmahaia, indukzio magnetikoko begizta, braillezko gida, WhatsApp bidezko informazio-zerbitzua, etab.

Azkenik, ikusmen- eta entzumen-irisgarritasunak gero eta gehiago garatzen ari dira: garraio publikoan entzumen- eta ikusmen-sistema irisgarriak daude, semaforoetako audio-sistema hobetzen ari da, Autobus Geltokiko bezalako azpiegituretan Navilens sistema ezartzen ari da, etab.