Donostia San Sebastián Turismoa Webgune Ofiziala. Hiriaren turismo-irisgarritasunari buruzko informazioa.
Donostia San Sebastián
Edukia ikusi

Itsasoko ibilbidea

Laburpena

Itsasoa da ibilbide honen protagonista. Monpasko lurmuturrean hasten da, Ulia mendiaren azpian, eta Igeldo mendiaren magalean amaitzen da. Sei kilometro inguru ditu ibilbideak, eta, kostaldetik doan Done Jakue bideari jarraikiz, Donostiako hiru hondartzak –Zurriola, Kontxa eta Ondarreta– zeharkatzen ditu.

Puerto de San Sebastian
Gurpil-aulkian dagoen pertsona bat Donostiako portuko eguzki-sartzeari begira, Igeldo mendia hondoan duela
Bi emakume Donostiako erdigunean paseatzen, Urumea ibaiaren ondoan eta atzealdean Kursaaleko zubia.
Bi pertsona zeinu hizkuntzarekin hizketan eta lasai paseatzen Miramar Jauregiko lorategietan, Kontxako badia atzean dutela.

Ibilbidea

Ibilbidea Monpasko lurmuturrean hasten da. Surflarien elkargune da lurmuturra. Handik abiatuta, Zurriola pasealekuak Gros auzoaren bukaeran dagoen hondartza inguratzen du, eta Kursaal Entzunareto eta Kongresu Jauregian amaitzen da, hiriko arkitekturaren sinbolo eta ardatz kultural berrian, alegia. Rafael Moneo arkitektoak diseinatu zuen, itsas aurrean hondartuta dauden bi arroken itxuran.

Monpas, itsas pasealekuko zatietako bat. Espaloi zabala eta ezkerretara itsasoa.
Zurriola hondartzaren ondotik igarotzen den itsas pasealekuaren zatia. Espaloi zabala eta eskubiko baranda.
Zurriola hondartzaren eta Kursaalen artean dagoen itsas pasealekuaren zatia.
Kursaal albotik igarotzen den itsas pasealekuaren zatia. Atzealdean, Zurriola zubia ikusten da.

Gero, Zurriolako zubia, Urumea ibai-ahoa dotoretzen duen arkitektura modernistaren adibide dena, zeharkatuko dugu, eta Urgull mendia inguratzen duen Pasealeku Berrira heldu. Itsaskia dagoenean, olatuak pasealekuraino iritsi ohi dira. Itsas albotik aurrera jarraituz, Jorge Oteizaren obrarekin egingo dugu topo: Eraikuntza Hutsa.

Pasealeku Berria. Eskuinean baranda, itsasoaren ondoan, eta bidegorria, ezkerrean.
Pasealeku berriko komun publikora sartzeko gunea. Atzealdean, Igeldo mendia.
Bidegorria eta pasealeku berriko oinezkoentzako gunea. Atzealdean, Igeldo mendia.
Jorge Oteizaren eskulturetako bat dagoen esparrura sartzeko arrapala eta eskailerak. Atzealdean, Igeldo mendia.

Eskailera batzuek portura eramango gaituzte, eta Aquariuma eta Euskal Itsas Museoa pasako ditugu, gero. Ez galdu Aquariuma eta museoa bisitatzeko aukera.

Cousteau plazako sarrera, Aquariumaren gainean. Irisgarritasun-piktograma duten seinaleak.
Donostiako portuaren ondoko pasealekua. Eskuinean baranda eta ezkerrean etxeak.

Portuan, kiroletako nahiz arrantzarako ontziak ikus daitezke, eta, atzealdean, arrantzaleen etxebizitza koloretsuak. Portuaren amaieran, berriz, udaletxea eta kasino zaharra daude, eta baita Errege Itsas Kluba ere. Azken hori estilo arrazionalistako eraikin berezia da, kaian porturatutako ontzi baten itxurarekin diseinatua. Ondoren, hona hemen gure gomendioa: kaia zeharkatu, eta itsasoarekin gozatzea. Pixka bat aurrerago, La Perla Talaso-Sport Zentroa dago. Talaso Sport zentro modernoa da gaur egun, eta, garai batean, munduko bainuetxerik garrantzitsuenetako bat ere izan zen. Kontxako hondartzatik jarraituz, Txillidaren Omenaldia Fleming-i, obra ikus dezakegu. Atseden hartzeko eta paisaiaz blaitzeko toki aproposa da. Parean, Santa Klara irla dago.

Alderdi Ederreko lorategiak eta, atzealdean, Donostiako Udala.
Kontxako hondartzaren ondoko pasealekua. Eskuinean baranda eta Alderdi Eder lorategiak ezkerrean.

Kontxako pasealekutik, Miramar Jauregira, igo gaitezke. Ana erreginaren garaiko “cottage” ingelesen tankerara eraiki zen, eta bertan igarotzen zuen Maria Kristina erreginak uda, bere gortearekin. Beste sarreratik behera jaitsiz gero, Antiguoko auzora iritsiko gara. Donostiako lehen biztanleak zona horretan kokatu ziren, eta horri zor dio izena.

Ondoren, Ondarretako hondartzak, pasealekuak eta lorategiak aurkituko ditugu. Maria Kristina erreginaren ohorez eraikitako estatua dago bertan, eta, handik, Haizearen orrazira iritsiko gara. Hiriko txokorik ederrenetako bat da, Luis Peña Gantxegi arkitektoaren eta Eduardo Txillida eskultorearen obra.

Ondarreta hondartzaren ondoko pasealekua. Eskuinean baranda eta atzealdean Igeldo mendia.
Ondarreta hondartzatik Haizearen orraziaraino ibilaldia. Harrizko horma eskuinean, itsasoaren ondoan, eta errepidea ezkerrean.

Erne! Ez da toki irisgarria gurpil-aulkian doazenentzat.