Donostiako Geltokia Adif-Renfe

Datu orokorrak

Nestor Basterretxea plaza, z/g. 20012 Donostia

+34 912 320 320 Informazioa

+34 900 400 555 Laguntza zerbitzua

E-mail hau spam roboten kontra babestuta dago. JavaScript aktibatuta izatea behar duzu hau ikusteko.

Web

  

Irisgarritasunari buruzko informazioa

Garraioa

• Garraio publiko egokituan irits daiteke.
• Dbus enpresako hiri autobusen sareko hainbat lineak lotzen dituzte hiriko auzoak geltokitik hurbil dauden tokiekin.
• Mandasko Dukea kalean, 09, 41, 42 eta B3 lineak gelditzen dira, geltokitik 110 metrora.
• Frantzia Pasealekuan, 45, 24, 17 eta 37 lineak gelditzen dira, geltokitik 110 metrora.
• Hemen kontsultatu Dbus-en lineak eta ordutegiak: www.dbus.eus
• Edo Dbus aplikazioan
• Taxi geraleku bat 100 metrora dago, Mandasko Dukea kalean, Nestor Basterretxea plazaren aurrean.
• Aparkalekuak dauden guneen, hiriko autobusen geltokien, taxi geralekuaren eta tren geltokiaren arteko ibilbideak irisgarriak dira gurpil aulkian dauden pertsonentzat.

MMP aparkalekuak

• Mugikortasun urriko pertsonentzat gordetako aparkalekuak Mandasko Dukea kalean daude, geltokitik 140 metrora.
• Aparkaleku urdinaren txartel europarraren jabeek MMP gisa markatutako aparkalekuetan –kalean bertan– utz dezakete ibilgailua, kosturik gabe, 24 orduz jarraian.
• TAO gunean ere aparka dezakete, 2. tarifa ordainduz.
• Aparkaleku publiko bat hurbil dago: Atotxa Aparkalekua, 290 metrora, eta Geltokia Aparkalekua, 70 metrora.
• Aparkaleku publikoek mugikortasun murriztua duten pertsonentzat gordetako lekuak dituzte eta ordainpekoak dira.

Sarbidea

• Lurpeko geltokia da.
• Sartzeko, bi ate ditu: bata Nestor Basterretxea plazaren aurrean.
• Atea lerragarria eta automatikoa da, 2.50 m-ko zabalera duen pasagunearekin.
• Sarbideko ateen atzean eskailera bat eta arrapala bat dago.
• Arrapalak 2 m-ko zabalera du eta 3 tarte dauzka honako luzera hauekin: 4,50 m, 4,50 m eta 6 m, eta 2 tranpagain, 2 m-koak.

• Igogailuak gurpil aulkian dauden pertsonak iristeko modukoak dira. Neurriak: 140 cm x 160 cm, eta 90 cm-ko tartea, atetik pasatzeko. Braille formatuko eta goi-erliebeko botoiak dituzte barruan, baita solairuaren zenbakia adierazteko abisu bisuala eta soinu abisua ere.

Barruko zirkulazioa

• Geltokiaren barruan ibil daitezke gurpil aulkian dauden pertsonak.
• Zoladura gogorra eta irtengunerik gabe
• Sartu eta gero, hall handi bat dago, non honako hauek dauden: txartelak erosteko makinak, informazio puntua, trenen ordutegiei buruzko informazioa erakusten duten kartel argidunak, komunak, kafetegi txiki bat eta nasetan sartzeko tornuak.
• Tornu horietako bi gurpil aulkian dabiltzan pertsonak pasatzeko modukoak dira.
• Tornuak igarota, 2 eskailera eta 2 igogailu daude, bat nasa bakoitzean.
• Igogailuak gurpil aulkian dauden pertsonek erabiltzeko modukoak dira. Neurriak: 140 cm x 160 cm, eta 100 cm-ko tartea, atetik pasatzeko.
• Igogailuek braille formatuko eta goi-erliebeko botoiak dituzte barruan eta kanpoan, baita solairuaren zenbakia adierazteko abisu bisualak ere.
• Zoruan ukipen eta ikusmenaren bidez hautemateko zerrendez seinaleztatuta dagoen ibilbide bat dago. Ibilbidea sarbide atetik arrapala eta eskailerak hasten diren tokiraino doa; gero, horiek amaitzen diren tokitik tornu irisgarrietako bateraino, eta, azkenik, tornu irisgarritik nasa bietan sartzeko eskailerak eta igogailuak dauden tokiraino.
• Geltokian eta nasetan eserlekuak daude.

Informazio-gunea

• Informazio puntuak ez du mostradore baxurik.
• Trenen ordutegiak erakusten dituzten kartel argidunak daude.
• Trenen helduerak eta irteerak erakusten dituzten informazio pantailak daude.
• Billeteak saltzeko makinak arrapala eta eskailerak hasten diren tokiaren ondoan daude, baita geltokian ere. Makina guztiak gurpil aulkian dabiltzan pertsonek erabiltzeko modukoak dira.
• Informazioa RENFEren webgunean eta aplikazioetan ere dago, eta aplikazio horiek iOS eta Android sistemetan erabil daitezke. .

Komun egokituak

• Mugikortasun murriztua edo desgaitasuna duten pertsonentzako komun bat dago.

• Atea lerragarria da, 90 cm-ko zabalera duen pasagunearekin.
• Komunean biratzeko erradioa 1,50 m da.
• Komunontziak laguntzeko barra eraisgarri bat dauka alboetako batean.
• Konketaren ondoan toki librea dago gurpil aulkian dabiltzan pertsonak hurbil daitezen; gainera, palanka bakarreko txorrota du konketak.

Laguntzeko zerbitzua

• Desgaitasuna edo mugikortasun murriztua duten pertsonei arreta emateko eta laguntzeko doako zerbitzu bat du ADIFek: Laguntza Zerbitzua. Edozein laguntza behar duten eta ibilbide luzeko billeteak erosten dituzten bidaiarientzat da.

• Zerbitzua eskatu nahi izanez gero, billeteak erosteko edozein bide erabil daiteke, baita iOS eta Android sistemetarako Laguntza Zerbitzua aplikazioa ere.
• Entzuteko desgaitasuna eta/edo hitz egiteko arazoak dituzten pertsonek esteka honen bidez eska dezakete: www.telesor.es
• Ezagutu hobeto ADIFen Laguntza Zerbitzua.

Laguntza-txakurrak

Geltoki eta ibilgailu guztiek laguntza-txakurrak gogo onez eta inolako kosturik gabe onartu behar dituzte (gida-txakurrak, alerta medikokoak, gorren, autisten eta mugikortasun murriztua duten pertsonen laguntza-txakurrak, etab.), ahalmen urriko pertsonentzako laguntza-txakurrei buruzko ekainaren 29ko 10/2007 LEGEAREN arabera.

Irisgarritasun fisikoa

• Gurpil aulkian dauden pertsonak iristeko moduko 2 tornu daude.
• RENFEko trenek mugikortasun murriztua duten pertsonentzat gordetako eserlekuak dituzte, baita gurpil aulkian dabiltzan pertsonentzako tokiak ere.
• Eskatu eta gero, laguntzeko zerbitzua erabil daiteke.

Ikusmen-irisgarritasuna

Trenen barruan megafonia sistema dago, hurrengo geralekua zein den abisatzeko.

• RENFEren webgunea neurri batean irisgarria da.
• Eskatu eta gero, laguntzeko zerbitzua erabil daiteke.
• Doako 900 400 555 telefonoa billeteen erosketari eta laguntza zerbitzuaren eskaerei lotutako zerbitzua da ikusteko desgaitasuna duten pertsonentzat. Billeteak erosi, aldatu eta ezeztatzea ahalbidetzen du, baita laguntza zerbitzua billetea erosteko orduan eskatzea ere.
• RENFEren Laguntza Zerbitzua aplikazioa irisgarria da pantaila irakurleen erabiltzaileentzat.

Entzumen-irisgarritasuna

• Entzuteko desgaitasuna eta/edo hitz egiteko arazoak dituzten pertsonak ADIFekin harremanetan jar daitezke, doan eta testu bidez, esteka honetan: www.telesor.es
• Bertan, ADIFeko geltokietako zerbitzuei eta RENFEko trenei buruzko informazioa jaso dezakete, baita laguntza zerbitzua eskatu ere.
• Eskatu eta gero, laguntzeko zerbitzua erabil daiteke.

Irisgarritasun kognitiboa

• Eskatu eta gero, laguntzeko zerbitzua erabil daiteke.