Ilunion San Sebastian hotela

Datu orokorrak

Kategoria: 4 izar

Zumalakarregi etorbidea 20, Donostia 20008

+34 943 31 66 60

Mail

Web

Irisgarritasunari buruzko informazioa

Garraioa

• Garraio publiko egokituan irits daiteke.
• Dbus enpresako hiriko autobusen sareko 5, 16, 24, 25, 27, 33, 35, 40, 43 eta 45 lineak, hoteletik hurbil gelditzen dira.
• Hoteletik gertuen dauden autobus geralekuak: “Anbulatorio Zaharra” 100 metrora, “Zumalakarregi 21” 190 metrora, “Iruña” 110 metrora eta “Benta Berri” 260 metrora.
• Lineei eta ordutegiei buruzko informazioa: www.dbus.eus
• Edo Dbus app-ean
• Lurraldebus enpresako hiriarteko autobusen sareko hainbat linea gelditzen dira hoteletik hurbil.
  • "Zumalakarregi 14" geralekuan, hoteletik 110 metrora, UK01, UK09, UK10, UK11, UK41G eta UK49G lineak gelditzen dira.
  • "Zumalakarregi 11" geralekuan, hoteletik 140 metrora, BU03, BU05, BU07, BU08, BU41G eta BU47G lineak gelditzen dira..
• Geralekuen eta hotelaren arteko ibilbidean ez dago oztopo arkitektonikorik.
• Taxi geraleku bat dago hoteletik 140 metrora, Trento kalean.

Mugikortasun urriko pertsonentzako aparkalekuak

• MMP seinalea duten aparkalekuak hoteletik hurbil daude:
  • Trento kalean hoteletik 140 metrora.
  • Matia kalean hoteletik 280 metrora.
  • Ondarreta pasealekuan hoteletik 440 metrora.
• Oinezkoentzako ibilbidean –aparkalekuen eta hoteleko sarbidearen artean– ez dago oztopo arkitektonikorik.

Sarrera

• Hoteleko sarbidea espaloiaren gainetik dagoen plataforma batean dago. Plataforman sartzeko eskailerak eta arrapala erabil daitezke.
• Arrapala gurpil aulkian doazen pertsonentzat irisgarria da. Neurriak: 2 metro zabal x 7,50 metro luze, eta % 10eko desnibela. Tranpal bat dauka, baita baranda bat ere, albo bietan, eta eskudelak bi altueratan daude.
• Sarbideak kristalezko bi ate lerragarri automatiko ditu, 250 cm-ko zabalera duen pasabidearekin.

Informazio-gunea

• 2 altueratako mostradorea.
• Mostradorearen gune baxua zorutik 75 cm-ra dago eta gurpil aulkian doazen pertsonak hurbiltzeko toki librea du.
• Webgunean hotelari eta bere zerbitzuei buruzko informazioa dago, baita erreserbatzeko aukera ere.

Barruko zirkulazioa

• Gurpil aulkian dauden pertsonak mugi daitezke hotelaren barruan.
• Zoladura gogorra eta ez-labaingarria.
• Atondoa zabala eta argiztatuta dago.
• Eserlekuak atondoan eta kafetegian daude.
• Eskailerak eta igogailua dauzka.
• 2 igogailu daude.
• Igogailuak gurpil aulkian dauden pertsonek erabiltzeko modukoak dira. Neurriak: 100 cm x 128 cm, eta 80 cm-ko tartea, atetik pasatzeko.
• Igogailuek braille formatuko eta goi-erliebeko botoiak dituzte barruan zein kanpoan, baita solairuaren zenbakia adierazteko abisu bisualak eta akustikoak ere.

Komun egokituak

• Hotelak egokitutako komunak ditu.
• Atondoan daude, harrera mahaiaren aurrean.
• Komunaurreko bat dago, emakumeen komunean, gizonen komunean eta egokitutako 2 komunetan sartzeko.
• Ateak lerragarriak dira, eta 100 cm-ko zabalera duen pasabidea dute.
• Komunontziak laguntzeko barra etzangarriak dituzte, albo bietan.
• Konketen ondoan toki librea dago gurpil aulkian doazen pertsonak hurbil daitezen; sentsore bidezko txorrotak.

Logela egokitua

• Hotelak egokitutako logela 2 dauzka.
• Bata lehenengo solairuan dago; bestea, aldiz, bigarren solairuan.
• Logeletan sartzeko ateak automatikoak dira eta barrurantz irekitzen dira.
• Ateetako pasabidea 90 cm zabal da.
• Gurpil aulkian dauden pertsonak ibil daitezke logelaren barruan.

• Gortinak irekitzeko eta ixteko mekanismoa domotika bidez kontrolatzen da.
• Logelak argizko eta soinuzko ohartarazlea du, atea jotzen dutela abisatzeko.
• Armairuak argia du, eta barrak altuera baxuan.
• Logelako komuna handia da; ate lerragarria du, 96 cm-ko pasabidearekin; dutxa platera zero kotan du, laguntzeko barrak, baita eserleku etzangarri bat ere; konketak hurbiltzeko moduko espazio librea du eta txorrota irisgarria; komunontziak laguntzeko barra etzangarri 2 dauzka.
• Komunak alarmako 3 eskuleku ditu, komunontziaren albo bietan eta dutxan, eta erorikoak detektatzeko gailu bat du.
• Komuneko zaborrontzia automatikoki irekitzen da, pertsona hurbiltzen zaionean.

Kafetegia

• Hotelak kafetegi jatetxe bat du.
• Hoteleko sarreraren alboko plataforman dago.
• Kafetegi jatetxeak 2 gune ditu: hoteleko sarreraren ondoko espazioa eta terraza.
• Kafetegi jatetxeak 3 ate ditu:
  • 1. atea: Zumalakarregi kaletik sartzeko eskailerak daude, kanpoko terrazaraino iristeko. Atea lerragarria eta automatikoa da, eta 90 cm-ko pasagunea du.
  • 2. atea: Zumalakarregi etorbidetik sartzeko, hoteleko sarrera nagusia eta kafetegi jatetxerako sarbidea dagoen plataformara iristeko arrapala eta eskailerak daude. Atea eskuz irekitzen da, kanporantz, eta 90 cm zabaleko pasabidea du.
  • 3. atea: hotelaren barnealdetik kafetegi jatetxera sartzeko ate bat dago. Atea eskuz irekitzen da, kanporantz, eta 100 cm zabaleko pasabidea du.
• Gurpil aulkian doazen pertsonak mugi daitezke espazio horietan.
• Kafetegi jatetxeko barnealdeko mahai gehienek erdiko hanka bat dute.
• Terrazan 4 hanka edo erdiko hanka duten mahaiak daude.
• Mahaien beheko ertzaren eta zoruaren arteko altuera 71 cm da.

• Kafetegi jatetxeak egokitutako komunak ditu.
• Komunaurreko bat dago, gizonen komunean, emakumeen komunean eta egokitutako komunean sartzeko.
• Atea lerragarria da, eta 87 cm zabaleko pasagunea du.
• Komunontziak laguntzeko barra eraisgarriak dauzka albo bietan, eta konketaren ondoan espazio librea dago gurpil aulkian dabiltzan pertsonak hurbil daitezen; gainera, sentsore bidezko txorrota du.

Laguntza-txakurrak

Laguntza-txakurrak gogo onez eta inolako kosturik gabe onartzen dira (gida-txakurrak; alerta medikokoak; gorren, autisten eta mugikortasun urriko pertsonen laguntza-txakurrak eta abar), ahalmen urriko pertsonentzako laguntza-txakurrei buruzko ekainaren 29ko 10/2007 LEGEAREN arabera.

Irisgarritasun fisikoa

• Guztientzat egokitutako komuna.
• Egokitutako 2 logela.
• Sarbidea eta barruko zirkulazioa oztoporik gabe.
• Gurpil aulkian doazen pertsonek erabiltzeko moduko igogailuak.

Ikusmen-irisgarritasuna

• Larrialdi alarmaz ohartarazteko soinu abisua.
• Braille formatuko eta goi-erliebeko botoiak dituzten igogailuak, solairuaren zenbakia adierazteko abisu akustikoekin.
• Zenbaki handiak dituzten telefonoak logela guztietan.

Entzumen-irisgarritasuna

• Larrialdi alarmaz ohartarazteko abisu bisuala.
• Ez dago indukzio magnetiko begiztarik, ezta Espainiako zeinu hizkuntza dakien langilerik ere.