FeelFree STAYS Basoa FeelFree taldearen apartahotela da, Donostiako Miramon parkearen ondoan dagoena. Logela bat edo bi dituzten oporretarako edo denboraldirako apartamentuak eskaintzen ditu, sukaldea, egongela-jangela, bainugela eta mendira begira dagoen balkoi/terrazarekin.
Doako aparkalekua eta lorategi komunitarioa barne. Bere kokapena ezin hobea da lasaitasunaz eta naturaz gozatzeko. Gainera, zentroarekin, parke teknologikoarekin eta Basque Culinary Center-ekin ezin hobeto konektatuta dago.

Kategoria: 2 izarreko Apartamentu-hotela
Location: Paseo Oriamendi 94, 20009 Donostia-San Sebastián
Web: direct.witbooking.com/es/hotel/basoa
Telefonoa: +34 943 56 36 54
Email: hola@feelfreestays.com
Sare sozialak: Facebook / Instagram

● Garraio publiko egokituan irits daiteke.
● Dbus enpresako hiriko autobusen sareko 31 eta 35 lineak, hoteletik hurbil gelditzen dira.
● Hurbilen dauden autobus geralekuak: “Oriamendi 86” hoteletik 95 m-ra, eta “Katxola”, 220 m-ra.
● Lineei eta ordutegiei buruzko informazioa: www.dbus.eus
● Edo Dbus app-ean
● Autobus geralekuen eta hotelaren arteko ibilbideetan ez dago oztopo arkitektonikorik.

● Hotelak parking pribatua du.
● Aparkalekuaren eta sarreraren arteko ibilbidean ez dago oztopo arkitektonikorik.
● Parkingean mugikortasun murriztua duten pertsonentzako aparkaleku bat dago (MMP seinalea duena). Neurriak: 3,60 metroko zabalera eta 5 metroko luzera.

● Eraikina Oriamendi kaleko orube batean dago. Kaleko espaloitik orubean sartzeko, eskailerak eta arrapala dituen oinezkoentzako atearen bidezko zuzeneko sarbidea dago; ibilgailuentzako ate bat ere badago, arrapala duena.
● Oinezkoentzako ateko arrapala gurpil aulkian dabiltzan pertsonek erabiltzeko modukoa da. Neurriak: 1,80 metroko zabalera x 10 metroko luzera, eta % 7,50eko desnibela.
● Aparkalekua eta eraikinerako sarbidea kalea baino nibel baxuagoan daude.
● Eraikinean sartzeko ateak eskuz irekitzen dira, kanporantz, eta 90 cm-ko pasagune librea dute.

● Aurrez aurreko arreta 10:00etatik 18:00etara ematen da harrera mahaian. Gainerako orduetan arreta telefono bidez ematen da.
● Webgunean hotelari eta bere zerbitzuei buruzko informazioa dago, baita erreserbatzeko aukera ere.

● Gurpil aulkian dauden pertsonak mugi daitezke eraikinaren barruan.
● Zoladura gogorra eta ez labaingarria.
● Korridoreak eta atondoak handiak eta argiak dira.
● Eserlekuak coworking edo lanerako gunean daude.
● Eskailerak eta igogailua dauzka.
● Igogailua gurpil aulkian doazen pertsonek erabiltzeko modukoa da. Neurriak: 110 cm x 140 cm, eta 90 cm-ko tartea, atetik pasatzeko.
● Igogailuak braille formatuko eta goi-erliebeko botoiak ditu barruan zein kanpoan, baita solairuaren zenbakia adierazteko abisu bisualak ere.

● Hotelak ez dauka komun egokiturik.

● Hotelak egokitutako apartamentu bat dauka.
● Lehen solairuan dago.
● Sukaldea, jangela, egongela, bainugela, logela eta terraza bat dauzka.
● Apartamentuko atearen pasabidea 90 cm zabal da.
● Logelako atea lerragarria da, eta 87 cm zabaleko pasabidea du.
● Gurpil aulkian dauden pertsonak mugi daitezke apartamentuaren barruan.

● Bainugela handia da; ate lerragarria du, 90 cm-ko pasabidearekin; konketak hurbiltzeko espazio librea du, baita palanka bakarreko txorrota ere; komunontziak laguntzeko barrak dauzka albo bietan, barra etzangarri bat eta finko bat; dutxa eta bainua ere badaude.

● Hotelak ez du kafetegirik.

Laguntza-txakurrak gogo onez eta inolako kosturik gabe onartzen dira (gida-txakurrak; alerta medikokoak; gorren, autisten eta mugikortasun urriko pertsonen laguntza-txakurrak eta abar), ahalmen urriko pertsonentzako laguntza-txakurrei buruzko ekainaren 29ko 10/2007 LEGEAREN arabera.

● Egokitutako apartamentu bat.
● Mugikortasun murriztua duten pertsonentzako aparkaleku bat du hotelak (MMP seinalea duena).
● Sarbidea eta barruko zirkulazioa oztoporik gabe.
● Gurpil aulkian doazen pertsonek erabiltzeko moduko igogailuak.

● Larrialdi alarmaz ohartarazteko soinu abisua.
● Braille formatuko eta goi-erliebeko botoiak dituzten igogailuak.
● Logelek braille formatuko eta goi-erliebeko identifikazio errotuluak dituzte.

● Larrialdi alarmaz ohartarazteko abisu bisuala.
● Ez dago indukzio magnetiko begiztarik, ezta Espainiako zeinu hizkuntza dakien langilerik ere.