Olarain ostatu turistikoa Donostiako eremu lasai batean dago, Ondarretako hondartzatik 300 metrora, eta elementu modernoekin eta mundu osotik ekarritako zaharkinekin osatutako estilo bereziz apainduta dago.
Egokitutako 6 logela ditu, ezaugarri desberdinekin, eta bestelako zerbitzuak ere baditu: wifia doan, harrera 24 orduz, buffet libreko gosaria, jatetxea, ikuztegia edo gimnasioa.

Kategoria: Alojamiento turístico
Kokapena: Paseo Ondarreta 24, 20018 Donostia/San Sebastián
Web: https://olarain.com/alojamiento/
Telefonoa: +34 943 00 33 00
Email: reservas@olarain.com
Sare sozialak: Facebook / Instagram / X / Linkedin

● Garraio publiko egokituan irits daiteke.
● Dbus hiribus-sarearen 5, 24, 25, 27, 33, 35, 40 eta 45 lineak 350 m-ra geratzen dira establezimendutik gertu.
● Ostatutik gertuen dauden autobus-geralekuak Tolosa hiribidean daude: “Magisteritza Tol 14” eta “Magisteritza”
● Lineei eta ordutegiei buruzko informazioa: www.dbus.eus
● Edo Dbus app-ean

Aparkatzeko 2 eremu daude:
● Kalean, ostatuaren parean, atetik metro gutxira. Mugikortasun urriko pertsonentzako 2 leku daude. Gertuen dagoenak 3,50 m x 3 m neurtzen ditu eta urrunen dagoenak, berriz, 3 m x 4,20 m.
● Ekintza eskolaren pareko aparkalekua. Aparkalekutik ostatura sartzeko arrapala bat eta igogailu bat daude. Kokalekua Google Maps-en
● Aparkalekutik eta mugikortasun urriko pertsonentzako kaleko lekuetatik hotelerako bidean ez dago oztoporik.

● Ostatuak sarrera nagusi bat dauka.
● Sartzeko arrapala bat edo eskailerak daude.
● Eskailerak 2 altueratako eskubanda du.
● Arrapala bat dago eskaileraren alde bakoitzean.
● Beirazko 2 ate lerragarri automatiko daude, eta 200 cm-ko igarobide librea

● Arreta-mahaiak bi altuera ditu.
● Beheko eremuak 75 cm-ko altuera du eta gurpil-aulkian doazen pertsonak hurbiltzeko prestatuta dago
● Bezeroek, check-ina edo erregistroa egiterakoan, QR kode bat jasotzen dute interesgarria izan daitekeen informazio guztiarekin.
● Webgunean, hotelari eta zerbitzuei buruzko informazioa egoteaz gain, erreserbak ere egin daitezke.

● Ostatua prestatuta dago gurpil-aulkian doazenek barrutik zirkulatzeko.
● Zoladura gogorra eta ez-labaingarria.
● Pasabideak eta atondoak zabalak dira, eta argiztapen egokia dute.
● Eserlekuak daude harrera-gunean eta tabernako eremuko pasabideetan.
● Eskailerak eta igogailua ditu.
● 6 igogailu daude, bloke bakoitzeko 2.
● Gurpil-aulkian doazen pertsonek igogailuak erabil ditzakete. Tamaina: 107 cm x 140 cm, eta 80 cm-ko igarobide librea atean.
● Igogailuetako botoiak braillez seinaleztatuta daude eta erliebe handikoak dira, barnekoak zein kanpokoak. Gainera, solairua adierazten duen soinuzko abisua dute.

● Ostatuak komun egokitu partekatuak ditu.
● Komun partekatuak tabernan daude, jatetxearen ondoan.
● Ateak lerragarriak dira, eta 77 cm-ko igarobide librea dago.
● Komunontziak 2 euskarri-barra eraisgarri ditu.
● Konketak aginte bakarreko iturria du eta gurpil-aulkian doazen pertsonak hurbiltzeko egokituta dago.
● Ispilua okertuta dago.

● Mugikortasun urrituko pertsonentzat egokitutako 6 logela daude.
4 logela bigarren solairuan daude, eta beste 2ak lehenengoan.
● Ateek 80 cm baino gehiagoko igarobide librea dute.
● Ate lerrakorrak eta eskuz irekitzen diren ateak daude.
● Logelen barrualdea irisgarria da gurpil-aulkian doazen pertsonentzat.
● 6 logeletako komunak zabalak dira: ate lerragarria dute, dutxak zero kotan daude eta euskarri-barrak dituzte, konketek aginte bakarreko iturria dute eta hurbiltzeko espazio librea dago, komunontziek euskarri-barra eraisgarriak dituzte bi aldeetan eta dutxarako eserleku mugikorrak daude.

● Ostatuak taberna eta jatetxea ditu.
● Tabernako eta jatetxeko sarrera bera da: zero kotan dago; atea beirazkoa, lerragarria eta automatikoa da, eta 183 cm-ko igarobide librea du..
● Ez dago zirkulazioa eragozten duen oztoporik.
● Jatetxean, mahaien azpiko ertzaren eta lurraren artean 72 cm daude eta buffeteko mahaian, berriz, 85 cm
● Tabernan hainbat estiloko mahai eta aulkiak daude.
● Menua QR kode baten bidez eskura daiteke.
● Menuak alergenoei buruzko informazioa du.

Laguntza-txakurrak gogo onez eta inolako kosturik gabe onartzen dira (gida-txakurrak; alerta medikokoak; gorren, autisten eta mugikortasun urriko pertsonen laguntza-txakurrak eta abar), ahalmen urriko pertsonentzako laguntza-txakurrei buruzko ekainaren 29ko 10/2007 LEGEAREN arabera.

● Komun egokitu partekatuak.
● 6 logela egokitu
● Mugikortasun urriko pertsonentzako lekuak daude establezimenduko aparkalekuan.
● Oztoporik gabeko sarrera eta zirkulazioa barnealdean.
● Igogailuak irisgarriak dira gurpil-aulkian doazen pertsonentzat.
● Desgaitasuna duten pertsonei laguntzeko prestakuntza jaso dute langileek.

● Larrialdietarako soinuzko alarma.
● Igogailuko botoiak erliebe handian eta braillean daude.
● Desgaitasuna duten pertsonei laguntzeko prestakuntza jaso dute langileek.

● Larrialdietarako alarma bisuala.
● Ez dago indukzio magnetikoko begiztarik, ezta zeinu-hizkuntza dakien langilerik ere.
● Desgaitasuna duten pertsonei laguntzeko prestakuntza jaso dute langileek.