Leonardo Hotel San Sebastián hotela 2022an inauguratu zen eta Aiete bizitegi-auzoan dago, hiria inguratzen duten muinoen artean. Doako aparkaleku pribatua, kafetegi bat, jatetxe bat eta igerileku pribatua ditu, azken hori uda-garaian erabilgarri. Hotelak 115 logela ditu, dotoreziaz apainduak, eta bisitariei ahalik eta baretasunik handiena emateko pentsatuak.

Kategoria: 3 izar
Kokapena: Pº Berabera 87, 20009 Donostia/San Sebastián
Web: https://www.leonardo-hotels.es/donostia-san-sebastian/leonardo-hotel-san-sebastian
Telefonoa: +34 843 989 210
Email: info.sansebastian@leonardo-hotels.com
Sare sozialak: Facebook / Instagram / YouTube

● Garraio publiko egokituan irits daiteke.
● Dbus hiribus-sarearen 19 eta 45 lineak geratzen dira establezimendutik gertu.
● Lineei eta ordutegiei buruzko informazioa: www.dbus.eus
● Edo Dbus app-ean
● Hoteletik gertuen autobus-geralekua, “Berabera 85” da eta 10 metrora dago.
● Autobus-geralekuetatik hotelerako ibilbidean ez dago oztoporik.

● Hotelak bere lur gaineko aparkalekua du.
● Mugikortasun urriko pertsonentzako seinaleztatutako 4 aparkaleku daude.
● Neurriak: 3,60 m bider 5 m.
● Aparkalekuetatik hotelerako ibilbidean ez dago oztoporik.

Hotelak 3 sarbide ditu:
● Nagusia. Lurraren mailan dago eta elkarren segidan 2 ate automatiko lerragarri ditu, elkarren artean 2 metroko distantziarekin. Ateen igarobide libreko eremuak 190 cm zabal dira.
● Aparkalekua. Eraikinaren atzeko aldean dago. Hotelera sartzeko eskailerak daude, baita igogailu bat ere, gurpil-aulkiaren erabiltzaileentzat. Atea lerragarria eta automatikoa da, eta 190 cm-ko zabalerako igarobide libreko eremu bat du.
● Kafetegia. Lurraren mailan dago eta atea eskuz irekitzen da, kanporantz. Halaber, 93 cm-ko zabalerako igarobide librea du.

● Arreta-mahaiak 2 altuera ditu.
● Arreta-mahaiaren beheko eremua lurretik 81 cm-ra dago eta gurpil-aulkia duten pertsonak hurbiltzeko prestatuta dago.
● Webgunean, hotelari eta zerbitzuei buruzko informazioa egoteaz gain, erreserbak ere egin daitezke.

● Hotela prestatuta dago gurpil-aulkian doazenek barrutik zirkulatzeko.
● Zoladura gogorra eta ez-labaingarria
● Pasabideak eta atondoak zabalak dira eta argi egokia dute
● Eserlekuak daude harrera-gunean eta kafetegian.
● Eskailerak eta igogailua ditu.
● Bi igogailu daude hotelaren barnean, eta bat kanpoan.
● Gurpil-aulkian doazen pertsonek igogailuak erabil ditzakete. Tamaina: 108 cm x 160 cm, eta 90 cm-ko igarobide librea atean.
● Igogailuetako botoiak braillez seinaleztatuta daude eta erliebe handikoak eta kontrastedunak dira, ● barnekoak zein kanpokoak. Gainera, solairua adierazten duten soinuzko abisua eta abisu bisuala dituzte.
● Hotelak igerileku bat du teilatuan, eta dagokion denboraldian irekitzen da.
● Igerilekuaren inguruko zoladura irristagaitza da, hala lehorrean nola bustian.
● Bi komun daude eremu honetan, bat emakumeentzat eta bestea gizonentzat. Bi komunetan, ateen igarobide libreko eremua 88 cm-ko zabalerakoa da, konketek ez dute idulkirik eta komunontziek eusteko barrak dituzte bi aldeetan.
● Igerilekuak aulkidun garabi jasotzaile bat du, mugikortasun urriko pertsonak sartzeko, eta zoruaren mailatik gora dago.

● Hotelak komun egokitu partekatuak ditu.
● Bi komun egokitu daude, sexu bakoitzerako bana.
● Komunetako ateak eskuzkoak dira, kanporantz irekitzen dira eta 84 cm-ko zabalerako igarobide libreko eremu bat dute.
● Egokitutako kabinetako ateak lerragarriak dira, eta 90 cm-ko zabalerako igarobide libreko eremu bat dute.
● Komunontziek euskarri-barra eraisgarria dute.
● Konketek aginte bakarreko iturriak dauzkate, eta gurpil-aulkian doazen pertsonak hurbiltzeko prestatuta daude.

● 4 logela egokitu daude.
● Bi lehen solairuan daude eta beste bi, bigarren solairuan.
● Ateek 88 cm-ko igarobide librea dute.
● Logelen barrualdea irisgarria da gurpil-aulkian doazen pertsonentzat.
● Logelako bainugela handia da, eta 93 cm-ko zabalerako igarobide libreko eremua duen ate lerragarria du. Dutxa-platera zoruaren mailan dago eta laguntzako barrak ditu. Konketak hurbiltzeko moduko tokia dauka eta txorrota irisgarria da. Komunak eusteko bi barra eraisgarri ditu.

Hotelak kafetegi-jatetxe bat dauka.
● Hotelaren kanpoaldetik zein hotelaren harreratik sar daiteke bertara.
● Zenbait eremu ditu.
● Mahai baxuek hanka dute erdian.
● Prestatuta dago gurpil-aulkian doazenek barrutik zirkulatzeko.
● Mahaien azpiko ertzaren eta lurraren artean 71 cm daude.
● Kafetegian komun egokituak daude.

Laguntza-txakurrak gogo onez eta inolako kosturik gabe onartzen dira (gida-txakurrak; alerta medikokoak; gorren, autisten eta mugikortasun urriko pertsonen laguntza-txakurrak eta abar), ahalmen urriko pertsonentzako laguntza-txakurrei buruzko ekainaren 29ko 10/2007 LEGEAREN arabera.

● Mugikortasun urriko pertsonentzako 4 aparkaleku.
● Komun egokitu partekatuak.
● Lau logela egokitu
● Oztoporik gabeko sarrera eta zirkulazioa barnealdean.
● Igogailuak irisgarriak dira gurpil-aulkian doazen pertsonentzat.
● Mugikortasun urria dutenentzat irisgarria den igerilekua.

● Larrialdietarako soinuzko alarma.
● Igogailuen botoiak braillez seinaleztatuta daude eta kontrastedunak eta erliebe handikoak dira. Solairua adierazten duen soinuzko abisuak ere badaude.

● Ez dago larrialdietarako alarma bisuala.
● Ez dago indukzio magnetikoko begiztarik, ezta zeinu-hizkuntza dakien langilerik ere.