Urumea ibaiaren eta ADIF-en Iparraldeko geltokiaren ondoan kokatuta dago, eta hiru solairu eta solairuartea ditu: solairu nagusian autobus-geltokia dago eta 21 nasa ditu; solairuartean, geltokira sartzeko bideak, bulegoak, bizikleten aparkalekua  eta, azkenik, bi solairu dituen lurpeko aparkalekua dago. Zerbitzu hauek ditu: 24 orduko zaindegia, kafetegia, supermerkatua (zabalik egunero), dendak, kutxazain automatikoak, autoak alokatzeko zerbitzua eta mugikortasun murriztua eta desgaitasuna duten bidaiarientzako arreta-zerbitzua.

Kokapena: Paseo Federico García Lorca, 1. Donostia 20012 Gipuzkoa
Webgunea: http://www.estaciondonostia.com/
Telefonoa: +34 943 475 150
Emaila: info@estaciondonostia.com
Ordutegia: 24 orduz zabalik / Kafetegiko ordutegia: 6:00 – 23:00
Sare sozialak: Facebook

Dbus hiribusak: 45, 24, 17 eta 37 lineak autobus-geltokitik hurbil daude.
Hemen kontsultatu Dbus-en lineak eta ordutegiak: www.dbus.eus/dbus-en-mugitzea/lineen-mapa-eta-ordutegiak/
● RENFE-ren tren-geltokia autobus-geltokiaren ondoan dago.
● Taxi-geralekua ere badago.
● Tren-geltokitik, hiriko autobusen geralekuetatik eta taxien geralekutik autobus-geltokira joateko bideak irisgarriak dira gurpil-aulkian doazenentzat.

● Geltokiaren azpian, ordaindutako lurpeko aparkalekua dago. MMP-tzako 12 leku ditu.
● Autobus-geltokiaren kanpoaldean kokatuta dagoen oinezkoen sarbidetik gertu daude denak.

● Bi sarbide daude: nagusia eta ordezkoa.
● Geltokira sartzeko bide nagusia da ibai ondoko arranpa eta Egia auzoa eta tren-geltokiko eskailerak lotzen dituen lurpeko pasabidea.
● Beste aukera bat da Federico Garcia Lorca pasealekuko espaloian dagoen igogailutik sartzea.
● Ate nagusia automatikoa eta gidariduna da, eta lurraren arrasean dago.
● Ateak 1,6m-ko zabalera du, eta igarotzeko trabarik ez.
● Ate barruan bira egiteko erradioa 2,3m-koa da.
● Ate barruan bira egiteko erradioa 4,0m-koa da.

● Geltokiaren barrualdea irisgarria da gurpil-aulkian doazenentzat.
● Zoladura gogorra da, maldarik eta irtengunerik gabea.
● Geltokiak 2 solairu ditu: geltokira sartzekoa eta geltokia bera.
● Igogailua dauka.
● Eskailerak eta eskailera mekanikoak ere baditu.
● Bidea erakusteko zerrendak daude lurrean, eta kolore eta testura desberdinak dituzte (oinez hautematekoak edo hauteman eta ikustekoak).
● Nasak irisgarriak dira gurpil-aulkian doazenentzat.

● Bi igogailu daude. Bi igogailuak irisgarriak dira gurpil-aulkian doazenentzat.
● Igogailuetako ateek 0,90m-ko zabalera dute, eta igarotzeko trabarik ez.
● Igogailuaren barruko botoiak lurretik 1,20 metrora daude, braillez eta goi-erliebean ere.
● Soinua egiten duten botoiak eta ispilua ditu.

● Geltokian komunak dituzten bi gune daude. Gizonen eta emakumeen komunak bereizita daude. Horietako bakoitzean komun egokitua dago.
● Komun egokituak braillez seinaleztatuta daude.
● Atearen zabalera librea 1,0m-koa da. Kabinak 2,29m x 2,29m neurtzen ditu.
● Kabina egokituaren barruan, biratzeko erradioa > 1,50m-koa da.
● Komunak erdian jarrita daude, eta bi barra eraisgarri dituzte.

● Informazio-gune fisikoak gailu elektronikoak dira.
● Irisgarriak dira gurpil-aulkian doazenentzat.
● Web honetan ere informazioa dago eskuragai: www.estaciondonostia.com/eus

Geltokian badago mugikortasun murriztua duten pertsonei laguntzeko zerbitzua:
● Telefonoa: +34 943 475 150
● Helbide elektronikoa: info@estaciondonostia.com

Laguntza-txakurrak gogo onez eta inolako kosturik gabe onartzen dira (gida-txakurrak, alerta medikokoak, gorren, autisten eta mugikortasun murriztua duten pertsonen laguntza-txakurrak, etab.), ahalmen urriko pertsonentzako laguntza-txakurrei buruzko ekainaren 29ko 10/2007 LEGEAREN arabera.

● Nasak irisgarriak dira gurpil-aulkian doazenentzat.
● Igogailu irisgarria dago.

● Igogailuek braille eta goi-erliebedun botoiak dituzte, eta soinu-abisuak.
● Geltokiko mapa braillez eta erliebean dago.
● Nasara sartzeko ateak braillez identifikatuta daude.
● Nasaren zenbakia braillez dago.
● Geltokietan zein nasetan, bidea erakusteko zerrendak daude, hautematekoak eta ikustekoak.
● Informazio-gailuak begien parean daude, ikusmen urritua duten pertsonek errazago ikusteko.
● Nasa zenbakia megafonia-sistemaren bidez iragartzeko zerbitzua dago, 943 47 51 50 telefonoaren edo helbide elektronikoaren bidez eskatu behar da: info@estaciondonostia.com

● Igogailuak begizta magnetikoa du.
● Informazioa gailu elektronikoetan ikus daiteke.

● Adimen urritua dutenei eta pertsona helduei laguntzeko doako zerbitzua dago, aurretiaz eskatuta.